కొవిడ్-19 టీకాలను పది కోట్ల డోసులు అదనంగా ఉత్పత్తి చేయనున్నట్లు సీరమ్ ఇన్స్టిట్యూట్ ఆఫ్ ఇండియా వెల్లడించింది. భారత్ సహా ఆర్థికంగా వెనుకబడిన, అభివృద్ధి చెందని దేశాల కోసమే ఇలా చేస్తున్నట్లు ఓ ప్రకటనలో తెలిపింది. 100 మిలియన్ డోసుల కొవిడ్ టీకాల ఉత్పత్తి, సరఫరా కోసం ఆగస్ట్‌లో గవి, మిలిందా గేట్స్ ఫౌండేషన్‌తో ఒప్పందం చేసుకున్నట్లు వివరించింది సీరమ్.
వంద మిలియన్ డోసుల వ్యాక్సిన్ తయారీ కోసం... ఆక్స్‌ఫర్డ్ యూనివర్సిటీ-ఆస్ట్రాజెనెకాతో సీరమ్ ఇప్పటికే ఒప్పందం చేసుకుంది. మిలిందా గేట్స్ ఫౌండేషన్-గవి ఒప్పందంతో మొత్తం 200 మిలియన్ డోసుల కరోనా టీకాలను ఉత్పత్తి చేయనున్నట్లు సీరమ్ ఇన్స్టిట్యూట్ వెల్లడించింది. వచ్చే ఏడాదిలో ఈ అదనపు డోసులను పేద దేశాలకు సరఫరా చేస్తామని స్పష్టం చేసింది.
ఇదీ చదవండి- 'సరిహద్దుల్లో యుద్ధం లేదు, శాంతి లేదు'
